مصر المخطوفه بتنادى….. بتصرخ وتقول ياولادى.
خدوا تارى من اللى سرقوا القوت والعرض
خدوا تارى من اللى دمر كل شىء جميل
خدوا تارى من اللى خلى ولادى غرقانين على الشواطىء الغريبه وفى العبارات
خدوا تارى وتار المحروقين فى القطارات
أنا مخطــــوفــــــــــــــــــــــــه
واللى خطفنى هم نفسهم اللى خطفوا احلامكم واجمل شبابكم
مرروا عليكم حياتكم
انا بصرخ فيكم وبنادى وبقول ياولادى …. ياولادى .
الخوف سجان واللص جبان والحزب الوطنى واعوانه خطفونى منكم يا ولادى
وانا املى كبير فى ولادى الشرفه الجعانين …… انا عارفه انكم مش راضيين
لكنى بقول الفجر قريب …الفجر قريب
والزمن الصعب حيمشى بعيد … بعيد
ولصوص اللبن الجارى فى صدر الأم .. تجار الدم..تجار الخرده وموردى اصناف الهم
أخرتهم مزبله للكل تلم انا مصر المخطوفة ومش هفضل مخطوفه انا راجعه بايد الشرفا والضعفا
وبأيد ماتمدتش بشر لحد بكره الجد يجد ويغير كل التماثيل ويكسر اصنام الزيف
الحق ده سيف وانا سيفى بايديكم … يا ما شاف…. إوعانا نخاف
الفجر قريب ولقانا نصيب
الأوسمة: مصر المخطوفه
أبريل 7, 2008 عند 12:04 م
ايه الجمال ده
مصر المخطوفه
الفجر قريب ولقانا نصيب
هيجى وقت ونقف وقفة تغير مصر المخطوفه مصر المحروسه اللى احنا عايزنها
والفجر قريب ولقانا نصيب
أبريل 7, 2008 عند 2:22 م
ستاذ عبد الناصر يا جااااااااااااااااااااامد ايه الحلاوه دي بقالنا كتير محسيناش اننا عايشين بجد ومشوفناش الكلام اللي مالهوش حل كده خالص وربنا معاك ومعانا ومع الشعب الغلبان ده كله
أبريل 11, 2008 عند 11:31 م
ياااااااه كلامك فعلاً فى الجون يا أ/ عبد الناصر
ربنا يقويك وكلنا معاك بقلوبنا ودعواتنا
مصر وصلت فعلاً لمنحدر كبير وخطير ومش عارفين نهايته فين وإمتى وإزاى …..
جزاك الله خيرًا
أبريل 15, 2008 عند 2:29 م
هما جايز فوتوا علينا فرصه الخروج في 6/4 بسبب التحذيرات الامنيه بس خلاص ميعادنا الجاي يوم 4 مايو دا اضراب جديد الشعب كله هايخرج فيه لان خلاص الشعب دا كفر من الي شافوه مش هايخاف خلاص وفي الاخر مصر مش مخطوفه بس دي ( منهوبه – مسروقه -مغتصبه )